Majeed Amjad
Dil Ne Ek Ek Dukh Saha Tanha
Anjuman Anjuman Raha Tanha
Dhalte Saayon Mein Tere Kooche Se
Koi Guzra Hai Baaraha, Tanha
Teri Aahat Qadam Qadam, Aur Main
Us Mayi’yat Mein Bhi Raha Tanha
Kuhna Yaadon Ke Barf-E-Zaaron Se
Ek Aansoo Baha, Baha Tanha
Doobte Saahil Ke Mod Pe Dil
Ik Khandhar Sa Raha Saha, Tanha
Goonjta Reh Gaya Khalaon Mein
Waqt Ka Ek Kehkaha, Tanha
0 comments:
Post a Comment