Azhar Firagh Poetry Bhala ho unka

Azhar Firagh Poetry Bhala ho unka

ٹھہرنا بھی مرا جانا شمار ہونے لگا 

پڑے پڑے میں پرانا  شمار ہونے لگا

وہ سنگ جس کو حقارت سے رات بھر دیکھا

سحر ہوئی تو سرھانا شمار ہونے  لگا

پھر ایسے ہاتھ سے مانوس ہو گئی تسبیح 

گنے بغیر بھی دانہ شمار ہونے  لگا

بہت سے سانپ تھے اس غار کے دہانے پر

دل اس لئے بھی خزانہ شمار ہونے لگا

ہجوم سارا رہا کر دیا گیا لیکن 

مرا ہی شور مچانا شمار ہونے لگا

بھلا ہو انکا جو مجھکو ترا سمجھتے ہیں

مرا بھی کوئی ٹھکانہ شمار ہونے لگا

اظہر فراغ